Zv/ministri i Shëndetësisë, dënohet për ushtrim të kundërligjshëm të veprimtarisë mjekësore dhe farmaceutike

Advertisement

Gjykatësja Diana Sina, ka dënuar zëvendësministrin në Ministrinë e Shëndetësisë, Pjetër Ndou me 1 mijë e 500 euro gjobë, për ushtrim të kundërligjshëm të veprimtarisë mjekësore ose farmaceutike dhe prodhim e shpërndarje të produkteve të dëmshme mjekësore.

Ky dënim u dha, pasi i njëjti kishte pranuar fajësinë.

Pjetër Ndou kishte qenë edhe këshilltar i ish-ministrit të Infrastrukturës, Pal Lekaj.

Aktakuza e ngritur nga prokurori Anton Hasanaj thotë se zëvendësministri ka operuar pa licensë në barnatoren e tij “Diellza 1” në Gjakovë.

Sipas aktakuzës, pa u bërë kontrolli i nevojshëm nga enti i autorizuar, ai ka vënë në qarkullim produktet mjekësore.

Ndou, për veprën e ushtrimit të kundërligjshëm të veprimtarisë farmaceutike është dënuar me 600 euro gjobë, ndërsa për veprën e shpërndarjeve të produkteve të dëmshme ai mori 70 ditë burgim.

Advertisement

Por, me pëlqimin e tij dënimi me burgim i ështe zëvendësuar me gjobë prej 900 euro dhe më pas ndaj tij gjykata ka dhënë dënimin unik me gjobë prej 1 mijë e 500 euro.

Në aktakuzë thuhet Pjetër Ndou po akuzohet që nga 25 janari i vitit 2018 e deri më 21 maj të vitit 2019, në biznesin e tij “Diellza 1”, pa pasur autorizime ligjore ka ushtruar veprimtarinë e tij farmaceutike.

Aktakuza thotë se këto veprime i ka bërë në kundërshtim me Ligjin për Produkte dhe Pajisje Medicionale të Ministrisë së Shëndetësisë, edhe pse i ishte anuluar licensa e veprimtarisë, ai kishte vazhduar të veprojë pa licensë duke shitur produkte medicionale.

Aktakuza shpjegon, se po në këtë biznes, pa u bërë kontrolli nga enti i autorizuar, ai kishte vënë ne qarkullim produktet mjekësore, derisa pas inspektimit dhe kontrollit nga Inspektoriati Farmaceutik ishte vërtetuar se biznesi i tij kishte vënë në qarkullim produkte të paautorizuara në treg.

Aktakuza thotë se në këto produkte kishte edhe prej atyre pa banderolë, me banderolë të Shqipërisë, Maqedonisë dhe Serbisë.

Advertisement

TË FUNDIT

TË NGJASHME

LEAVE A REPLY

Please enter your comment!
Please enter your name here