Aktgjykimi i fundit i Gjykatës Kushtetuese ka theksuar qartë se obligimi për ta konstituuar Kuvendin është detyrim i të gjithë deputetëve, dhe jo vetëm i subjektit të parë. Në këtë kontekst, kryetari i Lëvizjes VETËVENDOSJE!, Albin Kurti, në emër të grupit më të madh parlamentar të dalë nga zgjedhjet e 9 shkurtit 2025, u është drejtuar sot të gjithë krerëve të subjekteve të përfaqësuara në legjislaturën e nëntë me ftesë për një takim të përbashkët.
Takimi është caktuar të mbahet të shtunën (nesër), në orën 16:00, me synimin për të arritur një konsensus të ri në funksion të konstituimit të Kuvendit.
