HomeLajmeLDK: Klina po dëshmon çdo ditë se është rikthyer si bastion i...

LDK: Klina po dëshmon çdo ditë se është rikthyer si bastion i fuqishëm i LDK-së

Lidhja Demokratike e Kosovës ka mbajtur sot takim mobilizues me struktura të partisë.

Gjatë këtij takimi kryetari i degës së LDK-së në Klinë, Alban Rraci, u ka bërë thirrje të gjithë anëtarëve dhe simpatizantëve të LDK-së që të angazhohen maksimalisht dhe të marrin pjesë masivisht në hapjen e fushatës zgjedhore më 11 janar, në Pallatin e Rinisë në Prishtinë, duke filluar nga ora 17:00.

Kështu ka njoftuar dega e LDK-së në Klinë nëpërmjet një postimi në facebook.

“Sot në Klinë u mbajt takimi mobilizues i Kryesisë së LDK-së, i udhëhequr nga Kryetari i Degës, z. Alban Rraci. Në takim morën pjesë strukturat drejtuese të degës, ku u diskutua me përkushtim për përgatitjet intensive për zgjedhjet e 9 shkurtit dhe organizimin e strukturave për një mobilizim të plotë në terren.

Në përfundim, Kryetari Rraci u bëri thirrje të gjithë anëtarëve dhe simpatizantëve të LDK-së që të angazhohen maksimalisht dhe të marrin pjesë masivisht në hapjen e fushatës zgjedhore më 11 janar, në Pallatin e Rinisë në Prishtinë, duke filluar nga ora 17:00.

Klina po dëshmon çdo ditë se është rikthyer si bastion i fuqishëm i LDK-së!”, thuhet në njoftimin e LDK-së në Klinë.

Nga dega e LDK-së në Klinë për deputet kandidojnë Alban Rraci dhe Arben Limani.

spot_img

Të fundit