Yan Diomande i ka dhënë trajnerit Jose Mourinho një shtysë të madhe cilësore gjatë javëve të fundit.
Sipas “Defensa Central”, Diomande ka mbushur boshllëkun e lënë nga bashkëlojtari i tij, Vinicius Junior, madje e ka vendosur brazilianin në një situatë jo të lehtë para rikthimit të tij nga suspendimi në La Liga.
Statistikat tregojnë më së miri dallimin mes tyre. Futbollisti nga Bregu i Fildishtë realizoi gjashtë driblime të suksesshme vetëm në ndeshjen kundër Valencias.
Në anën tjetër, Vinicius arriti vetëm katër driblime të suksesshme në të gjitha ndeshjet e tij kundër AEK Athensit, Leipzigut, Romës, Villarrealit, Atletico Madridit, Elches dhe Rayo Vallecanos.
Me rikthimin e Viniciusit në ndeshjet e kampionatit, Mourinho u përball me pyetje të vazhdueshme rreth dilemës që ka në skuadër, gjatë konferencës për shtyp para udhëtimit në Mestalla.
Trajneri portugez u shpreh: “Për mua, prioritet absolut është skuadra. Nuk do të marr kurrë qëllimisht një vendim që mund ta dëmtojë grupin vetëm për hir të një futbollisti të caktuar”.
Ai vazhdoi: “Në Ligën e Kampionëve kjo çështje mund të ishte ngritur, por kur Viniciusi të jetë i gatshëm, do të veproj në përputhje me situatën”.
Më tej, ai shpjegoi: “Dua që futbollistët të luajnë çdo ndeshje të përqendruar te ajo që kanë përpara, edhe pse si trajner duhet të kem një këndvështrim tjetër”.
Në fund, Mourinho theksoi: “Përgjegjësia ime është t’i vlerësoj të gjitha angazhimet dhe ndeshjet që na presin. Ndeshja kundër AEK Athensit ishte një mundësi e mirë për Viniciusin, por edhe për t’i dhënë pak pushim Gulerit”./GazetaExpress/
