Komisioni Qendror i Zgjedhjeve ka nisur publikimin e rezultateve për kandidatët për deputetë.
KQZ ka bërë të ditur se pas numërimit të votave të kandidatëve për deputetë dhe verifikimit të rezultateve të subjekteve politike nga formularët e rezultateve të plotësuar në vendvotime, proces i cili është duke vazhduar ende, në webfaqen e KQZ-së ka filluar publikimi i rezultateve të kandidatëve për deputetë.
KQZ bën të ditur se në këto rezultate janë përfshirë të dhënat nga 2,290 apo 90.41% nga 2,533 vendvotimet e numëruara deri më tani në Qendrat Komunale të Numërimit dhe se rezultatet e vendvotimeve tjera do të publikohen në mënyrë progresive.
“Ju njoftojmë se pas numërimit të votave të kandidatëve për deputetë dhe verifikimit të rezultateve të subjekteve politike nga formularët e rezultateve të plotësuar në vendvotime, proces i cili është zhvilluar dhe po vazhdon në Qendrat Komunale të Numërimit, në platformën elektronike https://rezultatet2025.net
janë publikuar rezultatet për subjektet politike dhe kandidatët për deputetë.
Në këto rezultate janë përfshirë të dhënat nga 2,290 (90.41%) nga 2,533 vendvotimet e numëruara deri më tani në Qendrat Komunale të Numërimit dhe se rezultatet e vendvotimeve tjera do të publikohen në mënyrë progresive”, bën të ditur KQZ.
Në këto rezultate nuk përfshihen rezultatet e votave me kusht, votave të personave me nevoja të veçanta dhe votave nga votimi jashtë Kosovës, numërimi i të cilave do të bëhet gjatë ditëve në vazhdim në Qendrën e Numërimit dhe Rezultateve.
